Калыкъёслэн Эшъяськон юртсылы 10 ар тырме

Эшъяськон юртэз кылдытонлы кичӧлтон сётӥз Удмуртилэн  нырысетӥ азьмуртэз Александр Волков.

Та ужпум борды 2003-тӥ арын басьтӥськизы. Выль учрежденилы инты культурая Октябрь юрт быръемын вал. Бадӟым реконструкци ортчытэм бере ӧсъёссэ со 2008-тӥ арын 3-тӥ куарусёнэ усьтӥз.

Озьы 10 ар талэсь азьло Калыкъеслэн Эшъяськон юртсылэн липетэз улын  огазеяськизы удмуртъёс, ӟучъёс, бигеръёс, поръёс но шаерамы улӥсь мукет калыкъёс.

Та нуналъёсы итӥськизы дагенстанецъёс. Йӧскалык ужпумъёсты нуэм сяна, со бадӟым Росси но элькун ужрадъёсты ортчытонлы — усто площадка.

«Эшъяськон юрт али луиз ресурсъёсъя элькун центр, – шуэ Калыкъёслэн Эшъяськон юрсылэн кивалтӥсезлэн воштӥсез Татьяна Фёдорова. – Нош милям малпанамы быдэс ПФО-ын ресурсъёсъя центр луыны. Соку ми доры лыктозы созэ я тазэ ужӵектосэз лэсьтыны дышетскон вылысь».

Эшъяськон юрт али юбилейзэ пусйыны дасяське. Ужрад 5-тӥ куарусёнэ ортчоз. Соку нош одӥг бадӟым семьяе быдэс шаерысь йӧскалык огазеяськонъёс люкаськозы.