Пинал экскурсоводъёс «Лудорвай» музей-заповедникын ас ёзъёссылы экскурсиос ортчытозы

«Забытая полезность музейного ландшафта» ӵектос улсын Экскурсоводъёслэн школаязы дышетскемъёс нырысьсэ асьсэдыз уж вылын эскерозы.

Музей-заповедникын праздник нунал кыл писпуэн тодматсконэн кутскоз. Удмурт кылын тодматскон вордскем шаермылэн но музейлэн историезъя визьсынан сямен ортчоз.

Собере квест амалэн радъям кык шудонъёс ортчозы: «Приключения в старом амбаре» — асьсэдыз Шерлок Холмс интыын шӧдыны мылкыд карисьёс понна но «По тропам Лудорвая» — гуртын юртъер котырысь ужъёсын тодматон.

Пинал суредасьёслы тунсыко тодыны луоз, кызьы адӟытонъёсты радъян но кылдытон уж мынэ. Нимысьтыз маршрут музейлэн «По дороге времени» но «Дары и дарители» адӟытонъёстӥз ортчоз. Маршрутлэн пумаз 2017-тӥ арын Мультипликацияя калыккуспо финн-угор фестивальын вормем ужъёсты возьматозы.

Со сяна, музейын пӧртэм ибырвесьёс лэсьтыны дышетозы. Праздник круген эктонэн но шудонъёсын йылпумъяськоз.

https://udmurt.media/udm/news/kultura-i-turizm/36733/