Эгра ёросын йылпумъяськизы удмурт кылъя курсъёс

Чебер вераськыны мылкыд карись адямиосты дышетӥз Эгра ёрос лыдӟиськонниын ужась Ольга Александровна Степанова.

«Ӵапак туннэ ортчиз йылпумъян ӝыт. Дышетскисьёс возьматӥзы удмурт кылын вераськыны быгатэмзэс но удмурт лулчеберетэз тодэмзэс. Нош ужрадэ пыриськисьёс (азьло курсъёсты быдтэмъёс, удмурт лулчеберетэз яратӥсьёслэн «Тугоко» огазеяськонэ пырисьёс, Эгра ёросысь гожъяськисьёс) туж сак кылзӥзы но огъя соглаш луизы — туннэ сертификатъёс юнме уг сётӥсько. Ӟечкыласьком!», — гожтэ Татьяна Мосова.

Озьы ик тау кылъёссэ вера Лудошур но Сеп культура юртын ужасьёслы шуныт пумитамзы но ческыт утялтэмзы понна.