Туэ элькун Гербер ортчоз 16-тӥ инвожое.

Та нунуалъёсы ужрадлэсь концепцизэ юнматӥзы. Тодмо луиз Герберлэн талисманэз-пусэз но. Со — герберсяська. Озьы ик Ува палъёслы тупась тодметъёс пусъемын. Радъясьёслэн верамзыя, шулдыръяськон Ува ёрослэн валтӥсь 7 воршудъёсыз котыртӥ бергалоз.

«Со тужгес но бадӟым но вашкала вошудъёс, — шуэ «Удмурт кенеш» огазеяськонлэн Ува ёросысь ёзэтэзлэн тӧроез Геннадий Сидоров. – Со — Тукля, Вамъя, Пельга, Юмъя, Жикъя…16 воршудъёс пӧлысь ми шаерчиосынымы бырйимы сооссэ, кудъёсыз татчы вуэмын нырысь ик. Малы 7-зэ кутӥм? 7 — со сакральной лыдпус луэ. Со бордыгес ми кырмиським».

http://www.myudm.ru/