Варзи-Ятчи школаысь нылпиос удмурт авторъёсты немец кылэ берыкто

Кылбуръёсты берыктон ужен выро 11-тӥ классын дышетскись нылъёс — Маша Шорникова но Екатерина Медведева. Соослы луыса Николай Байтеряковлэн, Флор Васильевлэн кылбуръёссы немец кылын чузъяськыны кутскизы.

Варзи-Ятчи школа уно аръёс ӵоже ини полиязычие ӧръя ужа. Солы луыса ик татын тунсыко ӵектосъёс улонэ пыӵало.

«Милям полиязчной пространствоя трос программаос гожтэмын, — шуэ Варзи-Ятчи школалэн кивалтӥсез Ольга Сорокина. — Котькуд нылпи тодыны кулэ аслэсьтыз вордскем кылзэ. Озьы ик со мед тодоз мукет кылъёсты но — со узырмытэ гинэ тодонъёссэ. Озьы ик вераны луоз — Байтеряковлэсь кылзэ мукет калыкъёс но мед тодозы»

Та дырлы нылашъёсын берыктэм кылбуръёс школа борддоръёс сьӧры потэмын ӧвӧл. Оло нош мукет берыктэмъёссэс вотэсэ интыялозы, соослы луыса немец кылын чузъяськись удмурт кылбуръёслы, ужзылы дунъет басьтозы.

http://www.myudm.ru/