Дулесовоын пӧртэм выжыысь калыкъёс эшлыко уло

Удмурт, ӟуч но бигер калык огазеяськонъёс тыршо асьсэ лулчеберетсэс, анай кылзэс, сям-йылолъёссэс утён но азинтон бордын. Одӥг юртэ интыяськемын бере, ог-огзылы юрттыса, кенешыса ужало.

Удмуртъёслэн «Марӟан» йӧскалык огазеяськонэнызы кивалтӥсьлэн Валентина Сергеевалэн верамезъя, берло дыре мылкыдзэ бугырто егитъёс но покчиос, нош черкогуртысь арлыдоос сям-йылолъёсты утьыны, улӟытыны юртто. Шор-ёзо школаязы кыкетӥ арзэ ни удмурт кылэз дышетонъя факультатив ужа.

«Дас ар ужаськом ини, — шуэ Валентина Сергеева. — Туж шумпотӥсько. Дыр вал, куке куашкалом ни шуыса малпасько вал. Тани мӧйыосыз адямиос висьыны кутскизы, ужамы пыриськыны ӧз ни быгатэ. Но али пиналъёс итӥськизы – удмурт сямен кырӟало, экто. Нош ик ужаны мылкыд ӝутӥськиз».

http://www.myudm.ru/