Йӧскалык Выль ар праздник ортчоз Ижкарын

Отчы люкаськозы Удмуртиысь йӧскалык лулчеберетъя огазеяськонъёслэн азьветлӥсьёссы. Соос дэмен Вуж Выль арез пумиталозы, ортчем арлы йылпумъянъёс лэсьтозы. Таӵе шулдыръяськон выжы калыкъёс куспын 10-тӥ арзэ ортче.

Туэ праздник шулдыртӥсь телеперадачаос — «Где логика», «100 к одному», «Угадай мелодию» -выллем радъяськоз. Визьсынан конкурсъёс, ӟечкылан номеръёс, йӧскалыккуспо флешмоб – ваньмыз люкаськемъёс понна.

Праздник «Тюльпан» кафеын 18 часын кутскоз.

Ватсаса ивортон басьтыны луоз таӵе номеръя 8 (3412) 63-10-06 — Светлана Евгеньевна Широкова.