Эрик Батуев нимо йӧскалык премиен пусъем журналистъёслэн нимъёссы шараямын

Премиез басьтыны туэ 10 вазиськонъёс вуизы, ньылез соос пӧлысь — ёросъёсысь. Вормиз 3 журналист:

1. Владимир Михайлов, «Удмуртия» кун телерадиокмпаниысь журналист;
2. Александр Бикузин, «Мынам Удмуртие» телерадиокомпаниысь журналист;
3. Мария Векшина, «Удмурт дунне» газетысь журналист, «Дарт» ватсэтэзлэн редакторез.

Исполкомын мукетыз ужпум президент грант утэм «Билингва» центрен герӟаськемын вал. Ӵектосэз кылдытӥсь Татьяна Волкова пусйиз: «Утэм коньдон улсын проект паськыталоз. Азьло сямен ик «Билингва» но «Нуныкай» ӵошен азинскозы. Выль — театральной но эктыны дышетонъя — студиос кылдэм сяна, кык ар ӵоже люкам быгатонлыкъёссэс, тодон-валанзэс  «Бигингва» дась ёросъёсысь ӧнерчиослы но сётыны».

Вераськон мыниз вуисез ар сярысь но. Со юбилейесын узыр луоз — 120 ар Кузёбай Герд, Ашальчи Оки вордӥськем, 100 ар — удмуртъёслэсь нырысетӥ съездзэс ортчытэм дырысен.

«Елабуга карын ортчытыны чакласьком бадӟым съезд, со луоз научно-практической конференция, — вера «Удмурт кенеш» огазеяськонлэн тӧроез Татьяна Ишматова. – Отын дунъет сётэмын луоз удмуртъёслэн нырысетӥ съездазы ӝутэм ужпумъёслы. Асьмеос тодӥськом, ӵапак со ӧтчамын кутэмын вал решение удмуртъёс Татарстанско-Башкирский автономие уг пыро, соос Россилэн люкетэз шуыса».