Алнашын «Изь, изь, нуные» вожвылъяськон ортчоз
Ивортэ Алнаш ёросысь «Удмурт нылкышно кенешлэн» ёросысь ёзэныз кивалтӥсь Валентина Иванова:
«Вожвылъяськонэ пыриськозы ёросысь самодеятельной композиторъёс. Крезьгурчиослы куремын вал нуны веттан гур гожтыны. Ваньмыз конкурслы дасям ужъёс чузъяськозы сцена вылысен. Озьы ик ужрадэ пыриськозы 2 нылпиос. — Одӥгез аспал крезьгурчизылэсь Пантелей Кузнецовлэсь, мукетыз удмурт писательлэсь, этнографлэсь Григорий Верещагинлэсь «Чагыр, чагыр дыдыке» нуны веттан гуръёссэс быдэстозы».
Ваньмыз вожвылъяськонэ пыриськисьёс нимысьтыз номинациосын но таукаронъёсын пусъемын луозы.