Эскеронъёсъя егитъёслэн финн-угор эскпедицизы азьланьтӥське

Нырысь ик куноос Кестым гуртысь бигеръёсын пумиськизы.

Соослэн вераськон амалъёссы чылкак висъясько Татарстанын улӥсь бигеръёслэсь – сыӵе малпанэ вуизы экспедицие пыриськисьёс.  Кестымын улӥсьёс пумитазы егитъёсты йӧскалык дӥськутэнызы, асьсэ калык кырӟанъёсынызы. Гуртсылы сӥзем музей комнатазэс возьматӥзы, нылъёсты «табекмек» пӧраны дышетӥзы. Со сяна куноос интыысь мечете пыразы.

Собере делегациез Юндаысь бесерманъёс пумитазы. Аслаз вотэсбамаз Москваысь Роман Николаев гожтэ: «Юндась культурая юртын но милемлы тунсыко программа дасямын вал. Нылъёс чарчеен куасам пӧразы, куиськизы. Дэмен гуртысь музее ветлӥм. Пайми, отын люкамын вал кунгож сьӧр коньдон. Мон ачим уксё люканэн тунсыкъяськисько бере, музейлы француз монетка кузьмаса кельтӥ».