Удмуртиын улӥсьёс «Бадӟым удмурт диктант» гожтӥзы

Филологъёслэн пусъемзыя, туэ но диктант текст выли ӟечлыко вал — пуштросэзъя но тунсыко луэмезъя. Гожъяськон кабъёсты учконо ке, сокем секыт шуыны уг луы, соин ик туэ вылӥ баллъёс трос луыны кулэ — верало онерчиос.

«Грамматической инъетсэ ке лыдэ басьтно, диктантлэн текстэз туж шуг ӧй вал, — шуэ УдГУ-ысь доцент Галина Горбушина, — Бадӟымесь предложениос вал, но соосты пуштроссыя пичи люкетъёслы висъяны луэ вал. Со шонер пусъёс пуктыны юрттэт луыны кулэ».

«Бадӟым Удмурт диктантэз» гожтэмъёслэсь ужъёссэс та арня ӵоже кутозы. 17-ти оштолэзёзь вуэм гожтэтъёс Удмурт кун университетэ эскерон вылысь ыстэмын луозы. Йылпумъянъёсты шараялозы 3-тӥ куартолэзе «Мынам Удмуртие» радиолэн меӵак эфираз. Баллъёсын но пусъёсын ужкагаз телерадиокомпанилэн сайтаз интыямын луоз.

Радио пыр диктант гожтэмъёслэсь ужъёссэс витё таӵе адресъёсъя: diktant2017@mail.ru, яке Ижкар, Песочной урам 9-тӥ юрт, «Мынам Удмуртие» ТРК, «Бадӟым Удмурт Диктант».
www.myudm.ru/