НКО-лэн пумиськылонъёсыз

Нырысетӥ пумиськон ёрос администарциысь кивалтисьёсын вал. Калык огазеяськонъёс диаспораоссылэн улон-вылонэнызы тунсыкъясько, вань ке шуг-секытъёс, соку ик юрттэт сётыны дэмлало. Юанъёс пӧлын — ёросын удмурт кыллэн интыез. Азьветлӥсьёс умой валало, котькуд калыклэн лулчеберетэз утиськыны, асшӧдонэз юн возиськыны кулэ. Со бордысь ик ог-огдэ гажан потэ.

Ужрадлэн кыкетӥ люкетэз — валтӥсез — трос нылпиё семьяосын пумиськонъёс. Ерос администрацилэн кылдытэм списокезъя Ижкарысь вуэм йӧскалык огазеяськонъёслэн ёзчиоссы семьяостӥ ветло – уксё сёто, маин ке юртто.

Удмурт Элькунын калык кусыпъёс ӟечен лыдъясько ке но, та бордын ужез ялан нуоно — огкылысь верало йӧскалык политикая министерствоысь ӧнерчиос но йӧскалык культурая огазеяськонъёслэн азьветлӥсьёссы. Соос асьсэ вылын умой тодо но шӧдо, макем бадӟым инты басьтэ эшъяськон мылкыд улонын.

«Таӵе ужрадъёслэн, пумиськылонъёслэн туж бадӟым кулэлыксы, — шуэ элькунысь армянъёслэн йӧскалык культурая огазеяськонзылэн кивалтӥсез Мнацакан Аракелян. – Туннэ нунал ӧте вань калыкъёсты огазеяськыны. Асьмеос валам ке, ми ог-огмылы кулэ шуыса, нылпиосмы сое туж ӝог валалозы но асэстозы со сямез».

http://www.myudm.ru/