Ижкарын «Татарча диктант» ортчоз

«Татарча диктант» бигер кылын гожъяськыны быгатэмез эскерон понна ортчытӥське.

Радъяськоз со Ижкарысь Калыкъёслэн Эшъяськон юртазы 25-тӥ шуркынмонэ 11 часын.

«Акция бигер кылын шонер гожъяськемез, правилоосты тодэмез, литературной кылэз валаса кутэмез, аслэсьтыд янгышъёстэ тупатъяны быгатэмез эскерон понна малпамын», — шуо радъясьёс.

«Татарча диктант» гожтонъя площадкаос усьтӥськозы Казаньын, Москваын, Санкт-Петербургын, Уфаын, Екатеринбургын но мукет каръёсын.