Мультипликацияя калыккуспо финн-угор фестиваль ортчоз Удмуртиын

Ужрад 19-тӥ-20-тӥ куартолэзе музейлэн интывылаз радъяськоз. Вормисьёсты таӵе номинациосъя быръёзы:

• пиналъёслы устоез фильм
• прикладной анимацияя устоез фильм (крезьгуро клипъёс, мер реклама, дышетӥсь фильмъёс)
• устоез авторской фильм
• студиын пуктэм устоез фильм
• финн-угор выжы калыкъёслэн кылынызы пуктэм устоез фильм

Галина Таранухалэн верамезъя, конкурсэ пыриськыны вазиськонъёс вуизы ини Эстониысь, Италиысь, Удмуртиысь но Комиысь. Пыриськисьёс пӧлын тодмо мультипликаторъёс но, кылсярысь, Эстониысь Прит Тендер (со саам кылын мультфильмзэ возьматоз), али кутскисьёсыз но — Ижкарысь 60 номеро школаын кыкетӥ классын дышетскись.

Ужрад улсын мультфильмъёсты кылдытӥсьёс мастер-классъёс но ортчытозы.

http://udmurt.media/udm/news/kultura/18082/