Кӧснуналэ гожтӥськом «Бадӟым удмурт диктант»

Можга ёросысь тросаз школаосын быдэс классъёсын люкаськыны чаклало. Педагогикая колледжысь студентъёс но, дышетӥсьёс но удмурт кылын шонер гожъяськон понна «висё». Егитъёс шутэсткон нуналъёсы доразы берто ке но, «Мынам Удмуртие» радио пыр текстэз лыдӟемъя, диктант гожтозы.

Можга карысь Удмурт университетлэн ёзэтэз арлы быдэ аудитириын диктант гожтӥсьёсты огазеяло. Миым 7 гинэ адями вал,  нош туэ шӧдскымон тросгес луозы.

«Кылем арын ми нырысьсэ пыриським «Бадӟым удмурт диктант» гожтонэ. 7 адями гинэ лыктӥз,  — шуэ Можгаысь УдГУ-лэн ёзэтэныз кивалтӥсьТатьяна Кибардина. —  Туэлы кыл сётӥмы адямимы тросгес луозы шуыса. Со уж борды ми рос-прос  ёросысьтымы «Удмурт Кенешен» ӵош басьтӥськимы.  Адямиослы вераськомы, тодмоосмес ӧтиськомы . Мылкыд карисьёс вань ини. Чакланъёсъя, ог 30 адями люкаськоз».

Тодэ вайытон: диктант гожтон ортчоз 8-тӥ апреле ӵукна 11 часын Удмурт кун университетысь 2-тӥ корпусысь 222/3 аудиториын. Озьы ик та нуналэ ик текстэз лыдӟозы «Мынам Удмуртие» радиоысь меӵак эфирын 15 часын. Текстэз лыдӟоз Удмурт Университетысь дышетӥсь Галина Горбушина, студиын меӵак эфирын гожтоз «Удмурт Кенеш» огазеяськонлэн тӧроез Татьяна Ишматова.

www.myudm.ru/