Ижкарын «Зарни пилем» нимо фестиваль-конкурс ортчиз

Ужрадэз искусствоосъя школаын арлы быдэ радъяло. Ньыль нунал ӵоже сцена вылын асьсэды возьматӥзы Кировысь, Новосибирскысь, Тюменьысь, Нижний Новгородысь но мукет каръёсысь пиналъёс.

Нылпиос быгатонлыкъёссэс возьматӥзы 6 ӧръёсъя. Жюри тужгес усто кырӟасьёсты, эктӥсьёсты, мода возьматӥсьёсты, актеръёсты но цирк артистъёсты бырйиз.

Элькунамы Росси инлыкен ортчись таӵе ужрадъёс асьме пиналъёсмылы азинскыны кужым сёто — пусъё жюрилэн ёзчиосыз.

«Мон кырӟай. Луэ вал эктыны, кыӵе ке интсрументэн шудыны, — шуэ Дэбес ёросысь Удлем гуртысь Даша Осотова. – Нырысетӥ кырӟанме умой быдэстӥ кадь, нош кыкетӥзэ кӧня ке кышкаса. Но огъя умой пормиз. Кыкетӥ инты мыным сётизы».

www.myudm.ru/