«Удмурт крезьгур дуннеын» адӟытон ужа «Лудорвай» музейын
«Вань варган, вань шуланъёс, узьыгумы, бубенъёс, — вера музей-заповедникысь тодосъя валтӥсь ӧнерчи Юлия Маратканова. — Лыдъяно ке, 4 бубенъёс, дымбыр, вань шалтыртон, вань арганъёсмы, вань вашкала крезьмы XX дауръёс кутсконысь, кык пыжкрезьмы, кубыз — одӥгез вашкала, мукетыз выльдэмын. Вашкалаез XX даурлэн шор аръёсысьтыз, Пичи Пурга ёросысь, нош крезь Варчи-Ятчи черкогуртысь».
Адӟытонын огъя 25 пала крезьгуро арбериос возьматэмын. Пӧлазы шулан арбериос но, шуккон арбериос но, сиосын но. Со сяна, вань на юртъер котыр тӥрлыкъёс, кудъёссэ удмуртъёс крезьгуро арбериос интыын но кутылӥзы.
Адӟытонэ поттэмын музейлэн фондаз возиськись но кибашлыен Анатолий Степановен лэсьтэм арбериос.
«Со экспонатъёс гинэ. Но вань луонлык шудыны, мынам ас крезе вань, соин мон шудӥсько, кырӟаны но быгатӥсько соя. Соин ик адямиослы асьсэлы но луонлык сётӥське пукыны, шудыны вырыны, мар арбери со тодматскыны. Степановлэн тангыраеныз но шудыса утчаны луонлык вань», — шуиз Юлия Маратканова.
Адӟытонэ пыртэмын концертъёсысь возьматонъёс но, со крезьгуро калык арбериосты кылзӥськыны луонлык сётэ.