Ар ӵоже Удмуртиын Алнаш литературалы сӥзем нуналъёс кыстӥськозы

Со улсын  Ижкарын улӥсьёс, шаерамы вуисьёс понна ар ӵоже Алнашысь потэм нимо-дано крезьгурчиосын, гожъясьёсын, лулчеберет удысын ужасьёсын пумиськонъёс ортчозы. Бӧрысь та выллем ужрадъёс Удмуртиысь мукет ёросъёс понна но луозы.

«Ватонэз ӧвӧл, туннэ  удмурт писательёсты асьмеос ӧжыт адӟиськом , ӧжыт пумиськылиськом соосын, произведениоссэс но ӧжыт лыдӟиськиськом, — шуэ Элькунысь йӧскалык лыдӟонниысь йӧскалык но шаер тодон литературая но библиографияя ёзэтлэн кивалтӥсез Татьяна Николаева.  — Со ӧрез выльысь улӟытон, литератураен но лулчеберетэн данъяськон мылкыдмес ӝутон понна ик малпамын та ужрад.  Вуоно аръёсы мукет ёросъесты кыском та уже, малы ке шуоно мукет ёросъесысь гожъяськисьёсты уката но урод тодӥськом».

Туннэ йӧскалык лыдӟиськонни  Элькунысь тужгес но трос книгаосты возись юрт луэ.  Солэн  фондъёсаз 1но ӝыны миллионлэсь ятыр книгаос лыдъясько. Соос юнме лыдӟисьтэк улыны кулэ ӧвӧл, – шуо библиотекаын ужасьёс.

www.myudm.ru/