Уфаын Россиын улӥсь финн-угор калыкъёслэн ассоциацизылэн кенешонэз ортчиз

Форумез усьтыса Пётр Тултаев пусйиз: «Башкортостанын пӧртэм выжы калыкъёс уло. Соос ӵош ужало, уло, асьсэ сям-йылолъёссэс утё, лулчеберетзэс азинто. Туж усто, улосвыл кивалтӥсьёс солы уг пумитъясько, юртто гинэ шуыса. Котькыӵе выжы калык аслаз кылыныз могӟетъёстэк вераськыны, лыдӟиськыны, гожъяськыны быгатыны кулэ. Пичи лыдъем калыкъёс ӵапак сыӵе малпанэн уло.  Но Россия – бадӟым кун, отын трос калыкъёс уло. Туннэ адӟиськом,  котькуд калыклэн лулчеберетэз мукетыныз герӟаськемын шуыса».

2010-тӥ арын Россиын улӥсь калыкез лыдъян-чотанлэн йылпумъянъёсызъя, Башкортостанын 103658 поръёс уло, 21477 – удмуртъёс но 20300 — мордваос, озьы ик 220 пала эстонецъёс. Огъя республикаын улӥсьёс пӧлысь со 3,6% луэ.

Со сяна Башкортостан географиезъя но историезъя огзаезя финн-угор, тюрк но славян культураосты. Соин ик 2014-тӥ арын Башкортостанысь лулчеберетъя Министерствоын кылдытэм ёзэтын «Укрепление единства российской нации и этнокультурное развитие народов в республике Башкортостан» кун программа юнматэмын.

Али улосвылын 300 пала мер огазеяськонъёс ужало. Соос пӧлысь 60-эз йӧскалык культураез, анай кылэз утён но азинтон бордын тыршо. Пусйымон ужало мордваослэн, поръёслэн, удмуртъёслэн центръёссы.