30-тӥ куарусёнэ нош ик кыккылолыкъя семинар ортчоз

Анай-атайёсын озьы ик пӧртэм ӧнерчиос ужалозы (кыккылолыкъя ӧнерчи, нылпи психолог), нош нылпиос понна тунсыко шудон радъямын луоз. Семинарлэн кутсконаз «Шара лыдӟонъёс» радъямын луозы. Таня апаен ӵош выжыкыл лыдӟом.

Семинаре возьмало удмурт кылын вераськись анай-атайёсты нылпиосынызы ӵош (нылпи садэ яке 1–2-тӥ классэ ветлӥсьёссэ).

Семинар Калыкъёслэн Эшъяськон юртазы (Ижкар, Орджоникидзе урам, 33 а) радъямын луоз. Кутсконэз 11 часэ.