«Мисс студенчества финно-угрии» вожвылъяськон ортчоз 25–29 куарусёнэ Сыктывкарын

Ӵошатсконэ пыриськон понна нылашез бырйизы коня ке тодметъёсъя, соос пӧлын удмурт кылэз тодон но сцена вылын ассэ возьыны быгатон.

«Та вожвылъяськонын нылашъёс асьсэлэсь чеберлыксэс, быгатэмлыксэс, веськрессэс но визьлыксэс сцена вылын возьмато, соин ик со синмаськымон адями луыны кулэ», — шуэ Елена Котова.

Туннэ дырлы курон лэземын, фотосессия ортчытэмын но видео-визитка гожтэмын ни. Озьы ик конкурсын возьматон понна калык шудонэз дасян мынэ. Визьноданъя но мерлыко ужъя управленилэн кивалтӥсез верамъя, Лия учкисьёсты крезен туж шулдыр шудэменыз паймытоз. Нош нылашлы вожвылъяськонын юрттӥськыны институтысь 6 адями мыноз: фольклоръя «Пужмер» но кырӟанъя «Кантилена» ансамбльёслэн артистъёссы.

Тодэ вайытом, Глазкар пединститут «Мисс студенчества финно-угрии» вожвылъяськонэ кыкетсэ ар пыриське ни. Со сяна, 2015-тӥ арын конкурс Удмурт кун университетын дышетскись Алина Антонова вормемен йырин Ижкарын ортчыны быгатӥз. Нош кылем арын УдГУ-ысь Алла Лебедева нырысетӥ вице-мисс луиз. Туэ Удмурт кун университет ӵошатсконэ уг пыриськы.