Москваысь ВДНХ-ын Удмуртиен тодматскон ужрад туж шуныт ортчиз

Кызьы вераз ужрадэз одӥгез нуись Евгенией Максимов, калык тырмыт люкаськиз:

«Учкисьёс туж умой вазиськизы, удмурт кырӟанъёс тужгес кельшизы. Трос лыктэмын вал Москваын улӥсь удмуртъёс, соин ик милемыз туж шуныт пумитазы. Милям сыӵе интерактив кадь вал — пумен мачкиськом Удмуртия сярысь, пумен кырӟанъёсын пото. Мыным туж кельшиз, сомында положительной эмоциос. Шумпотӥсько, мар ке удмурт сямен карыны быгатӥсько шуыса, удмурт кыллы кызьы ке но юрттыны быгатӥсько шуыса», — вераз Евгений Максимов.

Тодэ вайытом, удмурт лулчеберетлы сӥзем ужрадын удмурт кырӟанъёсты быдэстӥзы Удмуртиын но Москваын улӥсь кырӟасьёс. Соос пӧлын Можгаысь Надежда Потапова, кунлэн шоркараз улӥсь Наталия Дзыга, Ирина Денисова, Олеся Полатова но Степан Лагунов, Алексей Пикулев, Богдан Анфиногенов.

http://udmurt.media/udm/news/kultura-i-turizm/24411/