Баграш-Бигра гуртын веме
![Баграш-бигра гуртын веме 1](https://udmddn.ru/wp-content/uploads/2017/09/veme.jpg)
Ёрос администрацилэн пуктэмезъя, нюлэс возёслэн коркаез туризмъя огъет лэсьтыны сётэмын. Одӥг липет улын интыяськозы гурт библиотека, пукон корка, шаертодонъя музей.
Юртэз ӝуто быдэс гуртэн — Баграш-Бигралан бадӟым веме ортче. Гурт ӧтчамын кенешизы — юртэз ас кужыменызы ӝутозы. Бадӟым уж борды биграос южтолэзе басьтӥськизы.
Биграысь Николай Соколов — шаерамы тодмо кибашлы. Со ас дораз усьтӥз ини музейзэ, инты ичиен вань люкам-лэсьтэм арбериосыз отчы уг тэро ни.
«Мон соос понна сюлмаськисько, — шуэ кибашлы. — Али соос лапасын интыямын. Со Пугачёвоын чебер корка шоры туж паймыса учкисько вал. Куке веразы, со буш сылэ шуыса, мон бурдъяськи. Гурт калыкен огазе кариським, вераським но ваим татчы. Табере дэмен ик сое ӝутӥськом».
Лэсьтӥськон ужъёс йылпумъяськизы ке, Бигралан туризмъя бадӟым огъет усьтӥськоз. Гуртоослэн верамзыя, со вӧзы матысь аръёсы пуктозы куала, кенос, лапас, вуко.
http://www.myudm.ru/