Сюрсовайын вашкала гуръёс чузъяськозы
![Сюрсовайын вашкала гуръёс чузъяськозы 1](https://udmddn.ru/wp-content/uploads/2017/09/sjursovaj.jpg)
Туннэлы ёросысь 10 культурая юртъёсысь коллективъёс но ас понназы кырӟасъёс куриськонъёс келязы ини. Туннэ тодмо ини, тужгес арлыдо кырӟасьлы 86 арес. Фестивалез радъясъёслэн верамзыя, конкурсэ 100-лэсь трос артистъёс пыриськозы.
Фестивальлы дасяськон быдэс гужем кыстӥськиз. Сюровай культурая юртлэн кивалтӥсез Зоя Вахрушева гуртын утиськем легендая «Ӟанчура — гуртлэн шорсюлмыз» нимо проект гожтӥз. Со гуртэз кылдытӥсъёслы, Ӟан но Чура нимо пиосмуртъёслы сӥземын. Ӵапак со проектъя гуртлэн шораз, ошмес синъёс потӥсь интыын, кык воргоронъёсын скульптура пуксиз. Сюровай клублэн кивалтӥсезлэн верамезъя, ужрадлэн валтӥсь малпанэз — со вашкалазэ утён, будӥсь нылпиослы тодон-валан сётон луэ.
Вера Сюровай культурая юртлэн кивалтӥсез Зоя Вахрушева: «Гуртмы милям туж вашкала. Вань туж бадӟым ошмесмы. Со котыре ик пуксемын гуртмы. Но трос адямиос вераллязы ни ошмесмы вӧсямын ӧвӧл шуыса. Фестиваль улсын ми со йылолэз ортчытом. Со понна Кекоранысь баӵко лыктоз. Вӧсям бере гинэ ужрадмес мытом, куноосмес табанен пумиталом».
http://www.myudm.ru/