«Шундыкар-2017» возьма
Удмурт егитъёслэн «Шунды» огазеяськозы 5-11-тӥ классын шор ёзо школаосысь но 18 аресозь шор дышетсконниосысь удмурт нылпиосты сменае мынон понна вожвылъяськонэ 16-тӥ пӧсьтолэзёзь вожвылъяськон ортчытэ
Кыӵе отрядъёсы кыӵе ужъёс ыстоно- ивортэ огазеяськонлэн сайтэз:
«Суредаськон» (8-11 кл.) – «Кытысь йырсиям тылыос» темая 3 пӧртэм уж келяно.
«Литература» (8-11 кл.) – «Вашкала но Туала» темая кылбур яке верос келяно,
«Фольклор» (5-9 кл.) – кыӵе ке крезьгуро инструмент улсын яке сотэк быдэстэм кык удмурт калык кырӟанлэсь гожтэмзэ келяно.
«Эстрада» (8-11 кл.) – кык туала удмурт кырӟанъёсын видеозапись келяно. Фонограммая яке акапелла амалэн быдэстыса.
«Крезьгуро инструментъёсын шудӥсьёс» (7-11 кл.) – тодмо группаослэсь кык кырӟанзэс крезьгуро инструментэн (электрогитараен, акустика гитараен, бас-гитараен, барабанэн, синтезаторен, арганэн) шудыса дасяськоно. Пӧртэм стилен луэ – рок, панк, металл но мукет. Лыктоно 22-тӥ пӧсьтолэзе 11:00 часлы Ижкарысь Калыкъёслэн эшъяськон юртазы ӧнерчиен пумиськыны.
«Тележурналистика «(7-11 кл.) – келяно 3-5 минутъем видео интервью (эшеныд, ӵыжы выжыосыныд, дышетӥсеныд) «Инкуазез утён» темая но «Мон инкуазьлэн эшез» темая эссе.
«Театр»(7-11 кл.) – учкытэк басняез, кылбурез яке спектакльысь люкетэз лыдӟыса дасяськоно. Лыктоно 22-тӥ пӧсьтолэзе 11:00 часлы Ижкарысь Калыкъёслэн эшъяськон юртазы ӧнерчиен пумиськыны.
«Крезь лэсьтон» (7-11 кл.) — пуэн ужамдэс возьматӥсь видео келяно.
«Эктӥсьёс» (8-11 кл.) – удмурт калык эктонэз туала яке вашкала крезьгуръя быдэстыса дасям видео келяно (3 минутозь).
«Дӥськут дизайн «(7-11 кл.) – «Удмурт калык дӥськут но туала тенденциос 2018» темая доклад гожтоно (мылкыд каремдыя быръем диськут комплекс сярысь гожтыны луэ). Та ужлы ик сӥзьыса 20 эскиз суредано.
«Видеоискусство» (8-11 кл.) – мылкыд каремдыя быръем кырӟанлы видеоклип(2-3 минутъем) яке короткометражной фильм келяно. Уже одно ик нылпи пыриськыны кулэ (оператор яке монтажер луыса).
Ужъёс 16-тӥ пӧсьтолэзёзь кутӥсько. Йылпумъянъёс элькун газетъёсын но «Шунды»-лэн сайтаз http://udmshundy.ru 27-тӥ пӧсьтолэзь бере печатламын луозы.