Удмуртия дасяське ассэ Мускоын возьматыны

Вера Калыкъёслэн Эшъяськон юртысьтызы ӧнерчи Дмитрий Корепанов: «Герберын возьматом быдэс Удмурт Элькунмылэсь промышленностьсэ, инвстициосъя луонлыкъёссэ. Оскиськом, туэ шулдыръяськонмы уката но пайдаё луоз со адямиослы, кудъёсыз тунсыкъясько ужбергатонэн, сиён-юон поттон удысэн. Туэ нырысьсэ шаерамы инвестициосты кысконъя  лекторийёс ортчытом».

Мар вань шаерамы вылез — ваньзэ возьматыны тыршомы, — пусъё радъясьёс. Киужъёсын тунсыкъяськисьёслы кельшоз вузкарон-ярмарка. Сиён-юонъёсты возьматозы Муское вуэм удмурт фермеръёс. Туризмъя ӧнерчиос шудон радъялозы. Тросэз понна тунсыко потоз пыӵал-тӥрлыкъёс но шаерамы поттэм автомобильёс. Нош вормисез вите  Удмурт шаере путёвка.

Туэ бадӟым концертэ пыриськозы Татьяна Зыкина, Марк Юсим, Евгений Гор. Муское дасясько ини асьме удмурт артистъёсмы но. Соос вашкала но туала крезьгур-эктонъёсын шулдыртозы.

Пусъёмы на эшшо одӥгзэ: ужрадэ лыктыны дасяське режиссёр Станислав Говорухин. Со Ижкарысь тужгес но кужмо шахматистъёсын нюръяськоз.

http://www.myudm.ru/