Иже люкаськозы Россиысь антропологъёс но этнографъёс

Та конгрессэз 2 арлы огпол радъялля Россиысь Антропологъёслэн но этнографъёслэн ассоциацизы. Али соин кивалтэ Кун Думаысь депутат, история наукаосъя доктор  Алексей Загребин.

Туэ тодосчиосты котыраз люкалоз Историяя, кылъя но литературая Удмурт институт. Конгрессын чакламын пӧртэм юанъёсты ӝутыны. Валтӥсьёсыз: кызьы Россиын йӧскалык политикаез шонер нуоно, калыкъёслэсь улонзэс умоятоно, калыкъёс куспын ӝутскылӥсь споръяськонъёсты сэрттоно-пертчоно но мукет.  Антропологъёслэн но этнографъёслэн конгрессы шаерамы юнме уг ортчы. Калык кусыпъёс Удмуртиын умой радъямын. Шаерамы трос пӧртэм калыкъёс уло, татын пӧзе фин-угор улон, ортчыло пӧртэм ужрадъёс. Со сяна, Ижкар — со город-завод. Татын кадь ик шуг-секытъёс вань мукет бадӟым городъёсын но. Кызьы соосты вормоно?

Та пумысен дэмланъёссэс вералозы Россиысь но кунгож сьӧрысь валтӥсь тодосчиос. Конгрессын чузъяськем малпанъёс кивалтӥсьёс дорозь вуттэмын луозы.

Вераны кулэ, кылем конгресс ортчиз Екатеринбург. Соку огазе люкаськылӥзы 87 городъёсысь 1000-лэсь уно тодосчиос, наукаен вырись 205  центръёс.