Иван Ямаковез буре ваён ужрад ортчоз

Иван Ямаков – пор дышетӥсь, шаертодосчи, гожъяськись. Вордӥськиз 20-тӥ толшоре 1922-тӥ арын Алнаш ёросысь Мари-Гондыр гуртын. 7 классъем школаез йылпумъяз Грак ёросысь Мари – Возжай гуртын. Собере дышетскиз Свердловск улосысь Красноуфимскысь педтехникумын. 1940-тӥ арын армие кошкиз. Отысь фронтэ шедиз. Быдэс ожез потыса, 1945-тӥ арын дораз вуиз. Ужаз директор луыса нырысь Мари-Возжай школаын, бӧрысь Удмурт-Гондыр школаын. Пенсие потыса, гожъяськон удыссэ азьланьтӥз. 2005-тӥ арын Алнашын «Мариец я» книгаеныз тодматскон ортчиз.

Ужрадэ ӧтемын Иван Ямаковлэн ӵош ужам эшъёсыз, дышетскисьёсыз. Эшъяськон юртын поръёслэн дано адямизылы сӥзем экспозици ужалоз.

Ижкарысь «Ижевск-Мари» пор огазеяськонлэн но Алнаш ёросысь «Одо Мари Ушем» огазеяськонлэн азьветлӥсьёссы Элькунысь пор школаосын ужрадъёс ортчытыны чаклало. Отын Иван Якимовлэн творчествоеныз, гожъяськон удысэныз егитъёсты мургес тодматозы.

Йылпумъян ужрад ортчоз 21-тӥ тулыспалэ анай кылъёслэн Калыккуспо нуналазы Алнаш ёросын.