«Айкай» театр — Китайын

«Соос крестьянъёс понна Тулыс Праздниклы сӥзем гала-концертэ пыриськозы — со китаецъёс понна одӥгез тужгес бадӟым праздник… Программаын луозы Удмуртиез возьматӥсь номеръёс», — ивортӥз ансамбльлэн кивалтӥсез Алина Андриянова.

Солэн верамезъя, Китайысь ӧтён нырысь ик Москвае вуиз, собере — Удмуртиысь кивалтэтлэн тӧроезлэн воштӥсезлы. Китае ансамбльысь 10 адями мынӥз. Вань тыриськонъёсты ӧтисьёс ас вылазы басьтӥзы.

Праздниклы сӥзем фестиваль Хубэй провинциысь Ухань карын 19-тӥ-21-тӥ толшоре ортчоз. «Айкай» театр Китае нырысьсэ потӥз.