14-тӥ толсуре Кузёбай Гердлэн вордӥськем нуналыз

Кузёбай Герд нимо йӧскалык музейын ужасъёс, удмурт югдытӥсьлэн улон-вылон сюресъёсыз сярысь тодэ вайытозы. Туэ удмурт калыклэн историезлы сӥзем нимысьтыз адӟытон но дасязы.

«1926-тӥ арын Кузёбай Герд музеймылэн директорез вал, — вера йӧскалык музейысь наукая ужась Надежда Кузнецова. – Шуыны луоз, со луиз музей ужлэн кичӧлтӥсез. Бадӟым уж лэсьтӥз. Ми татчыозь азьланьтӥськом солэсь ужзэ. Ӵапак Кузебай Герд нырысьсэ музейной экспедициез но радъяз, калыклэсь пӧртэм арбериоссэ люказ».