Этнокультураез азинтонъя ужпумъёсты эскеризы Сьӧлта ёросын

Семинаре пыриськизы Сьӧлта, Сюмси но Ува ёросъёсысь йӧскалык лулчеберетъя центръёсысь ӧнерчиос но йӧскалык огазеяськонъёслэн кивалтӥсьёссы.

Та ёросъёсын котькудаз йӧскалык лулчеберетъя центръёс ужало. Ваньзы соос одӧг ужпумез улонэ пыӵатон бордын тыршо – выжы калыкъёс пӧлын эшлыко герӟетъёс кылдытон.

Центръёсысь ӧнерчиос люкаськемъёсын ужан амалъёсынызы тодматӥзы. Нош лулчеберетъя огазеяськонъёслэн кивалтӥсьёссы тунсыко ивортонъёс асьсэлы басьтӥзы.

Семинарлэн ужаз пыриськизы Сьӧлта ёрос тӧролэн воштӥсез А.В. Неустроева. Ужрад ортчиз Элькунысь Калыкъёслэн Эшъяськон юртысьтызы ӧнерчи Т.Г. Мурашкина кивалтэм улсын.