Кияса ёросын дышетозы анай кылэз

«Калык куре удмурт кылэз дышетыны, — шуэ «Удмурт Кенеш» огазеяськонлэн Кияса ёросысь ёзэтэныз кивалтӥсь Ольга Танаева. – Анай-атайёс валало, пиналъёссы ӟучомо. Ми йӧскалык политикая Министерствое вазиським, куриськон гожтӥм. Министерство юрттэмен, ёросамы уж вырӟиз, шуыны луоз».

«Курсъёс ортчозы клубын, — вера курсъёсты радъясь, нуись Людмила Коконова. — Арняяз кык пол пумиськылом, кык час ӵоже ужалом. Отын луозы дышетскисьёс но, ужасьёс но. Малпасько, пӧртэм аресъемъёс люкаськозы. Огез вазиськись ёрос газетысьтымы корреспондент. Удмурт гуртъёсы мынӥсько но номырзэ уг валаськы мар верало, ӧжыт ке но мед валалом вал, шуэ».

Туннэ нуналлы Кияса ёрсын 11 нылпи садъёс но 10 школаос ужало. Удмурт кылэз дышето ньыляз школаосын, кыказ – кружок нуо. Озьы ик 4 нылпи садъёсын визьнодан ужзэс удмурт кылын нуо, куиняз – кружокъёс ужало.