Сведловск улосын удмурт лулчеберетлы сӥзем нуналъёс ортчозы

Ужрадэ Элькунысь бадӟым делегаци пыриськоз — мерлыко огазеяськонъёслэн кивалтӥсьёссы но ёзчиоссы, тодосчиос, пӧртэм удысъёсысь ӧнерчиос.

Ӵуказе Верхняя Пышма карын удмурт культураез но йӧскалык дышетонэз азинтонлы сӥзем «котырес ӝӧк» сьӧрын кенешон ортчоз. Отчы Свердловск улосысь удмурт культурая «Эгес» но «Урал кенеш» огазеяськонъёслэн ёзчиоссы пыриськозы.

Матэктӥсь ужрад сярысь вера Свердловск улосысь «Эгес» огазеяськонлэн кивалтӥсез Марина Ягуткина: «Пумиськонмы Верхняя Пышма карысь одӥгаз школаын ортчоз. Котырес ӝӧк сьӧрын ӝутэмын луоз юан удмурт кылэз азинтонъя. Али улосысь одӥгаз карын удмурт кылъя воскресной школамы ужа. Отчы 16 пиналъёс ветло. Удмуртиысь вуись куноос соослы книгаос ваиськом шуизы. Ми туж шумпотыса возьмаськом соосты».