Калошалы сӥзем фестиваль ортчоз

Конкурсэ пыриськисьёс калошаен ветлозы но бигер кылын такмакъёсты быдэстозы. Со сярысь ивортэ Калыкъёслэн эшъяськон юртсылэнпресс-службаез.

Фестиваль-вожвылъяськонэ вуозы Балезино, Глаз, Эгра, Юкаменск, Красногорск но Яр ёросъёсысь коллективъёс. Соос крезьгур но дӥськут сярысь веран улсын олань-талань ветлозы. Бигер но ӟуч кылын калоша сярысь такмакъёсты быдэстозы. Со сяна, «Калошаосын учыр» миниатюра но концерт номер возьматозы.

Радъясьёслэн верамзыя, ужрадлэн ужпумез — бигер калыклэсь лулчеберет йылолъёссэ улӟытон но утён.