Егитъёслэн дышетонъя Йӧскалыккуспо центрзылэн Улосвылкуспо дышетскон сессизы ортчоз

Ужрадлэн валтӥсь мугез – егитъёслэн йӧскалык но лулчеберетъя огазеяськонъёссылэн ёзчиосызлы мер ужпумъёсъя дышетон площадкаос кылдытон.

Дышетскон сессие 90 котыр 18-сен 30 аресозь егитъёс пыриськозы. Лыктозы Чувашиысь, Марий Элысь, Мордовиысь, Комиысь, Башкортостанысь, Татарстанысь, озьы ик Пермь, Киров, Свердловск улосвылъёсысь .йӧскалык но лулчеберетъя огазеяськонъёслэн ёзчиоссы.

Ужрад улсын «Российская нация: сущность, пути формирования» но «Особенности социального проектирования в национально-культурной сфере» темаослы лекциос ортчозы. Озьы ик мастер-классъёс, экспертъёслэн визьноданъёссы но мукет ужрадъёс чакламын.