«Выль ӟардон» ансамбль Чехие дасяське

Туэ гинэ коллектив 5 конкурсъёсы пыриськылиз ини — Сибирын, Саранскын, Санкт-Петербругын, Элькунамы ортчем вожвылъяськонъёсын — ваньмаз нырысетӥ инты утиз. Котькудаз учырын жюриез паймытӥзы удмурт кырзанъёсты вашкала сямен быдэстэмзы — крезьгуро инструментъёстэк, чеберъятэк.

«Кытчы гинэ ум вуиське, котькытын умой пумитало. Калык котькытын мыло-кыдо. Чехиын но валалозы, дунъялозы, дыр, — шуэ «Выль ӟардон» ансамбльлэн кивалтӥсез Анна Александрова. — Саранскын нырысетӥ инты басьтэмен, ми бурдъяським, Питере кошким. Отын но вормим. Соку шуим вал — отын нырысетӥ луим ке, кунгож сьӧры потом. Озьы ик луиз».