Самсоновлэн выжы-пушъетъёсыз

Со улсын вераськон мыноз Самсонов династиысь писателъёслэн удмурт литературалэн но лулчеберетлэн ӝужамазы пытьы кельтэмзы сярысь. Конференциын ёрос школаосысь дышетскисьёс понна пӧртэм оръёсъя мастер-классъёс радъяськозы. Соосты нуозы тодмо но али ӝужась кылбурчиос Богдан Анфиногенов, Владимир Возняков, Мария Векшина, Семён Карпов.

Удмурт кылъя но литературая дышетӥсьёслэн секциязы нылпиос тодматскозы удмурт писателъёслэн выль потэм книгаосынызы.

«Тунсыко ортчоз шаертодонъя секци, — шуэ Пичи Пурга ёрос лыдӟиськонниен кивалтӥсь Людмила Шумилова. — Татын ас ужъёсынызы тодматозы тодмо шаертодосчиос Валерий Баймурзин, кудӥз Удмурт куалаез улӟытиз, шуыны луоз. Со туж бадӟым материал люказ со сярысь. Озьы ик Норья школаысь дышетӥсь Раиса Зайцева. Со ар ӵоже пыриськиз «К истокам воршуда» проектэ. Воршуд сярысь материалэз ваньмызлы паймымолн йӧтоз».