Удмурт лулчеберетлы сӥзем акци ужаны кутскоз Дэри ёросын.

Толэзь ӵоже котькуд гуртын удмуртлыкен герӟаськем ужрадъёс ортчозы. Кылсярысь, кемалась ик ӧвол Подшивал гуртын финн-угор калыкъёслэн лулчеберетсылы сӥзем центр кылдытэмын. Солэн ужаз мыло-кыдо пыриське ветеранъёслэн «Дэлет» ансамбльзы. Кемалась ик ӧвол артистъёс Мордвае ветлӥзы. Месячник улсын гурт клубын соосын пумиськон-концерт ортчоз. Артистъёс удмурт кырӟанъёсты сяна, модва гуръёсты но мукет финн-угор кырӟанъёсты быдэстозы.

Вера удмурт лулчеберетлы сӥзем акциез одӥгез радъясь Вера Богданова:

«Месячник улсын сяме пыӵам ужрадъёсмы ортчозы на. Нырысетӥез ик, со Эрик Батуевлы сӥзем лыдӟонъёс. Соос дышетскисьёс куспын Игуртын ортчо. Кыкетӥез – Эрик Батуев нимо премиен пусйён. Ёросысь «Удмурт Кенеш» огазеяськонлэн ёзчиосыз бырйизы ини туэ понна шудо адямиез — со Светлана Зверева. Та нылкышно ёрос лыдӟиськонниын шаертодонъя ёзэтэн кивалтэ, «Дэри ошмесъёс» клубез нуэ.