Мерлыко огазеяськонъёслэн кивалтӥсьёссы пӧлын Росси конкурс ялэмын

Вожвылъяськон йӧскалык политика удысын ужась мерлыко огазеяськонъёслэсь ужзэс пуромытыны, Россиысь кунмуртъёсты артэ улӥсь калыкъёслэсь эшъяськон кусыпъёссэс азинтонэ но паськытатонэ кыскыны, Россиысь калыкъёслэсь ӵош улон кусыпъёссэс юнматыны ужпум пуктэ.

Ужрадэз Йӧскалык ужпумъёсъя федерал агентство но «Россиысь калыкъёслэн Ассамблеязы» мерлыко огазеяськон Россия Федерацилэн Президентэз бордысь йӧскалык кусыпъёсъя кенешлэн юрттэмез улсын Россия Федерацилэсь 2025-тӥ арозь кутэм йӧскалык политикая стратегизэ быдэстон вылысь радъяло.

Вожвылъяськонэ пыриськыны быгато йӧскалык политика удысын ужась, коммерциен герӟаськымтэ огъя Россиысь, улосвылысь, интыысь мерлыко огазеяськонъёслэн кивалтӥсьёссы.

Конкурслэн номинациосыз:

— мерлыко огазеяськонлэн азьветлӥсез;

— огъя Россиысь/улосвылысь мерлыко огазеяськонлэн кивалтӥсез;

— огъя Россиысь/улосвылысь мерлыко огазеяськонлэн кивалтӥсезлэн воштӥсез.

Вожвылъяськон ортче 2 этапен:

Нырысетӥ этап – 2016-тӥ арын 1-тӥ гудырикошконысен 30-тӥ куарусёнозь (заочно);

Кыкетӥ этап – 2016-тӥ аре 19-21-тӥ коньывуонэ, Пермь кар.