Огшоры кружок бадӟым ӧрлы пӧрмиз

Берло аръёсты учконо ке, удмурт кылэз валаны но вераськыны мылкыд карисъёс пӧлын йыло егит семъяос — дышетскыны соос нылпиосынызы вуо, пусъё курсъёсты нуисъёс.

Берпуметӥ аръёслэн эшшо одӥг тодметсы — ёросъёсын улӥсъёс но сайканы кутскизы. Отын та ужез радъяны юртто «Удмурт кенеш» огазеяськонлэн ёрос ёзэтъёссы. Озьы курсъёс кылдӥзы Сюмси, Сьӧлта, Якшур-Бӧдья, Эгра, Грак, Вавож, Кияса ёросъёсын. Туэ кылемаз ёросъёсын но выль площадкаос усьтӥськозы. Ӝоген курсъёсты нуисъёслэн педсоветсы люкаськоз. Отын дышетӥсъёс дэмланъёссэс но малпанъёссэс вералозы.

«Мед луысал та курсъёсын дышетскисъёслы тросгес саклык, шуом, инты ласянь, — шуэ удмурт кылэз дышетонъя курсъёсты радъясь Ангелина Решетникова. — Мед луысал соослы инты видео-аудиоаппаратураен. Дышетӥсъёслы со туж кулэ. Уноез соос асьсэлэсь ноутбукъёссэс уже куто, но озьы ужам туала куронъёслы уг тупа».

http://www.myudm.ru/