Вуоно арняе Удмурт Элькун театр творчестволэн шоркарезлы пӧрмоз

Фестивальлэн радъяськемез сярысь журналистъёслы ивортӥзы культурая но туризмъя Министерствоысь, Ижкарысь калык творчестоя юртысь ӧнерчиос, театр удысын ужасьёслэн огазеяськонзылэн ёзчиосыз.

Фестивалез радъясьёс верамъя, пыриськыны мылкыд карисьёс трос вал. Но конкурслэн куронъёсызъя, жюри пӧлысьтызы тужгес но устооссэ бырйиз. Озьы, фестивальлэн финалаз 13 театръёс гинэ потӥзы: 6-ез — Удмуртиысь, кылемъёсыз — Татарстанысь, Башкортостанысь, Чувашиысь, Марий-Элысь, Ярославль, Ростов но Арханегельск улосъёсысь.

«Нылпиос, уката ик гуртын улӥсьёсыз, театре туж шер ветло, яке ветлэмзы но ӧвӧл, — вера егитъёслэн «Ватка» театренызы кивалтӥсь Василий Ушаков. — Ватонэз ӧвӧл, берло аръёсы театръёс но гуртъёсы ӧжыт потало. Соин ик нылпиос театр искусстволэсь берегес кылё».

Фестиваль ӵапак та ужпумез сэрттыны-пертчыны кулэ. Со сиё-дано усьтӥськоз 12-тӥ куартолэзе Ижкарысь Шор площадьын.

www.myudm.ru/