Удмуртия этнотуризмъя тужгес устоосыз 10 улосъёс пӧлы пыриз

Калык тросгес пыриське арня ӵоже кыстиськись 50 сюрс манетлэсь дунтэмгес луись туръёсы но шутэтскон нуналъёслы чаклам 3 сюрс манетозь сылӥсь этнотуръёсы. Агенстволэн чакламезъя, Элькунамы вуыса туристъёс ӵемгес тунсыкъясько Уддяди, Зуевы Ключи но Карасево гуртъёсын.

Но таин гинэ Удмуртиын тунсыко интыос уг йылпумъясько. Туризмъя огез адӟем карымон ёросъёс пӧлын Эгра. Лопшо Педунь бордысен кутскыса, эграос трос пӧртэм музейёс, шутэтскон огъетъёс но маршрутъёс кылдытӥзы. Тросэз ӵектосъёс — со Пётр но Феврония Муромскийёслэн часовнязы, ЗАГС-э нуись «Яратӥсьёслэн выжзы», ёрос центрлэн шораз интыяськем Эгра-парк, Сибырь трактлы сӥзем музей но трос мукетъёсыз – со ваньмыз ужбергатӥсьёсын но мерлыко огазеяськонъёсын ӵош ужамзылэн емышъёссы.

«Милям ёросамы одӥг девизмы вань – Калык. Кивалтэт. Ужбергатон, — шуэ Эгра ёрос тӧролэн воштӥсез Александр Шамшурин. – Со девиз туж усто ужа. Калык пӧлын кыӵе ке малпан, проект кылдэ ке, ужбергатӥсьёс сое улонэ пыӵатыны юртто».

www.myudm.ru/