«Татар Кызы» конкурсын вормиз Назлыгуль Насирова

Конкурслы дасяськон 5 толэзь ӵоже кыстӥськиз. Арнялы одӥг пол нылъёс пӧртэм мастер-классъёсы пырискизы. Соосты кырӟаны, эктыны, сцена вылын чебер ветлыны, пӧраськыны дышетӥзы.

Вожвылъяськонын тужгес но пусйымонэз вал ас киынызы вурем дӥсез возьматон, тужгес но тунсыкоез – пӧрам сиёнэнызы куноян, тужгес но шугез – дунъясьёслэн юанъёссылы валэктонъёс сётон.

Йӧнолэсь но йӧно 10 нылъёс пӧлысь жюри бырйиз Ижкарысь эм академиын дышетскисез Назлыгуль Насироваез.

«Татар Кызы» конкурслэн вормисезлы киын быдэстэм корона но кулэсь вурем саестэм выл дӥсь кузьмазы.

Табере Назлыгуль Насирова бигеръёслэн «Татар Кызы» калыккуспо вожвылъяськоназы  Удмуртиын улӥсь бигеръёслэсь данзэс утёз.

«Мынам туж бадӟым тау шуэме потэ аслам семьяелы, нырысь ик анай-атаелы, — шуэ Назлыгуль Насирова. — Соос мыным улон сётэм, будэтэм сяна, ас калык сямъёсмес, лулчеберетмес яратон, гажан мылкыд пыӵатыны быгатӥзы, анай кылмес дышетӥзы. Та вормон мон понна дан. Али азям бадӟым ужпум – калыккуспо конкурсын асме усто возьматыны. Удмуртиын улӥсь бигеръёслэсь осконзэс мон зэматыны кулэ».