Нош ик «Куарагур» ӵектос выль кизилиосты усьтоз

Проектлэн валтӥсь ужпумез — егит удмурт кылбурчиосты, кырӟасьёсты но крезьгур гожъясьёсты шараян, соослэсь быгатонлыкъёссэс огазеян но выль кырӟанъёс кылдытон.
Вожвылъяськонэ 16-25 аресъем егитъёс пыриськыны быгато. «Куарагур» туэ ньылетӥ ползэ радъяське.

Азьвыл аръёсы тужгес усто кырӟасьёс луизы Алексей Пикулев, Лиана Корепанова но Ксения Ахметханова. Кылбурчи номинациын вормизы — Микаль Михайлов, Марина Пахомова но Аня Бурдина, крезьгурчиос пӧлын — Влад Степанов, Денис Неуструев, Влада Митрофанова но Иван Белослудцев.