Удмурт модая фестивале 11 коллективъёс пыриськизы

Конкурсэ пыриськисьёсты жюри куинь номинациосъя дунъяз: «Экостиль», устоез сцена вылэ потан костюм, коллективен возьматон тужгес синмаськымонэз дӥькут.

Котькуд коллектив ачиз сямен аспӧртэм вал. Воткаысь покчи модалиос кадь сцена вылын йӧно ветлыны быгатӥсез ӧй вал. Адӟем карымонэсь якшурбӧдьяос вал. Коллекцизы этнофутуризмен герӟамын. Соослэн коллекцизылы коллекцилы тужгес усто сцена вылын возьматон дӥськут номинация сётӥзы. Нош Эграысь усточиослэсь «Эгра дэрем» коллекцизэс жюри коллективен возьматон костюм номинациын тужгес устоез шуыса пусйиз.

Россиысь дизайнеръёслэн огазеяськонзылэн ёзчиез Ирина Созыкина пусйиз: «Асьмелэн трос зэмос дизайнеръёсмы ини. Таӵе ужрадъёс ӵемгес ортчытъяны кулэ. Элькун радысь вылӥегес потоно ини. Дӥсьмес Росси сцена вылын возьматыны дыр вуэмын».