«Удмурт Кенеш» огазеяськонлэн исполкомаз Данъян книгае пыртоно муртъёслэсь нимъёссэс юнматӥзы

Исполкомчиос Пичи кенешлэсь ортчоно дырзэ юнматӥзы, отын учконо юанъёсты но эскероно ужпумъёсты чаклазы.

Азьветлӥсьёс кенешизы мерлыко ужпумъёс бордын азинлыко тыршись улосчиосты Данъян книгае пыртон пумысен. 2024-тӥ ар понна отчы вить мурт пыроз:

— Погосян Роза Титовна, Якшур-Бӧдья шор ёзо школалэн нылпи садысьтыз визьнодась;
— Гарифуллина Физая Сабирьяновна, Куеда ёросысь удмурт фольклоръя «Тюрагай» калык ансамбльлэн кивалтӥсез;
— Дементьева Валентина Михайловна, Яр ёросысь лулчеберетъя но шутэтсконъя «Юбилейный» центр бордын ужась «Люр-ляр» нылпи театр коллективлэн кивалтӥсез;
— Виталий Игнатьевич но Алевтина Викторовна Тарасовъёс, Алнаш ёросысь Байтэрек гуртысь яркыт семья: Виталий Игнатьевич — лулчеберетъя центрен кивалтӥсь, Алевтина Викторовна — лыдӟетъюртысь ӧнерчи;
— Перевощикова Надежда Ивановна, Балезино ёросысь Ушур школаысь удмурт кылъя но литературая дышетӥсь.

Ӟечкыласьком! Данъян книгае пыртоно муртъёсты сӥлы карозы Пичи кенешын.