Этнокультурая дышетонлэн азинскемез

Этнокультурая дышетонлэн азинскемезлы сӥзем эчешон площадка радъяськиз туннэ тодон-валан сётон удысын ужасьёслэн Август конференцизы улсын. Ужрад ортчиз Кузебай Герд нимо йӧскалык гимназиын.

Элькунысьтымы анай кылъя но литературая дышетӥсьёс, дышетон ужъюртъёслэн кивалтӥсьёссы, ватсаса тодон-валан сётон удысысь ӧнерчиос, нылпи садын ужасьёс, озьы ик мыло-кыдо анай-атайёс аспӧртэмлыко кейс-технология амалэз ужазы кутыса, дышетонын сюлмаськытӥсь ужпумъёсты сэрттӥзы-пертчизы, анай кылэз дышетонъя пӧртэм сюлмаськытӥсь юанъёслы валэктонъёс утчазы-шедьтӥзы, азинскыны выль тунсыко амалъёсты малпазы-кылдытӥзы.

Конференцие модераторъёс, нодъясьёс но экспертъёс чотын пыриськизы огазеяськонмылэн ёзчиосыз но.