Киясаысь кенакъёс сето выжыысь калыкен тодматскизы
![Киясаысь кенакъёс сето выжыысь калыкен тодматскизы 1](https://udmddn.ru/wp-content/uploads/2022/08/oxjart7k_zm.jpg)
Кияса ёросысь «Тӥгырмен кенакъёс» ансамбльлы шуд усиз Псков улосысь Сигово гуртэ вуылыны. Отын 28-тӥ гудырикошконэ сето калыклэн «Сетомаа. Семейные встречи» фестивалез ортчиз.
Кенакъёс верало, таӵе ужрадъёс луонлык сёто мукет выжы калыклэн сям-йылолъёсыныз тодматскыны, соослэсь калык кырӟанъёссэс улэпкын кылзыны (сетоослэн «леело» кырӟанзы ЮНЭСКОе пыртэмын), чебересь но аспӧртэмлыкоесь диськутсэс учкыны, йӧскалык сиён-юонзэс оскалтыны, озьы ик эшъёсын пумиськыны но выль тодмоос шедьтыны.
![Киясаысь кенакъёс сето выжыысь калыкен тодматскизы 2](https://udmddn.ru/wp-content/uploads/2022/08/festival-seto.jpg)
![Киясаысь кенакъёс сето выжыысь калыкен тодматскизы 3](https://udmddn.ru/wp-content/uploads/2022/08/derevo-druzhby.jpg)
Фестиваль улсын Эстониысь, Псков улосысь, Ленинградысь но Удмуртиысь творческой коллективъёс концерт возьматӥзы. Нош ужрадлэн пумаз вань люкаськемъёс ӵошен финн-угор калыкъёс куспын эшъяськон писпу мерттӥзы.