Можгаысь «Удмурт Кенеш» огазеяськонлы выль кивалтӥсь быръёзы

Тӧро быръён но йылпумъянъёс лэсьтонъя ужрад шуркынмон толэзе ортчоз – иворто «Удмурт кенеш» огазеяськонлэн Можга ёросысь ёзэтэзлэн ёзчиосыз

Ёросысь удмурт азьветлӥсьёс онлайн-кенешон радъязы. Ёзчиос пӧртэм юанъёсты эскеризы, азьланезлы ужъёсты чаклазы. «2020-тӥ арын шуркынмон толэзе Можгаысь «Удмурт Кенеш» огазеяськонлы выль кивалтӥсь быръёнлы но йылпумъянъёс лэсьтонъя конференция радъяно. Со бӧрсьы ик, толсуре, Вань удмуртъёслэн «Удмурт Кенеш» огазеяськонэзлэн 14 съездэз ортчоз. Отчы делегатъёс быръёно луоз. Жаляса верано, туэ Можгаын ортчытиськись «Выль» шулдыръяськон 2021 арлы кельтэмын. Но, ёзчиос одӥг кылэ вуизы — «Удмурт Кенешлэсь» «Данъян» премизэ одно ик сётозы. Со адямиез, кинэ пусъёзы Премиен, быръёзы али кенешчиос. Жаляса верано, туэ дырыз дыръя, инвожое уз ортчы элькун «Гербер» шулдыръяськон но. Сое выжтӥзы гудырикошкон толэзе, радъямын со луоз «Выль» шулдыръяськон шуыса» — гожтэмын «Удмурт кенеш» огазеяськонлэн Можга ёросысь ёзэтэзлэн вотэсбамаз