«Чеберай» вожвылъяськонлэн полуфиналэз но воштонъёс сярысь

«Кияса, Сюмси но Каракулино ёросъёсын конкурс капчиятэм амалъя мыноз» – иворто «Чеберай» вожвылъяськонэз радъясьёс

Жюри портфолио-анкетаез дунъялоз, саклык висъяськоз:
— нылъёслэн туспуктэмзылы,
— ас сярысь быгатыса гожтэмзылы,
— вормонъёссылы но пусъем быгатонлыкъёссылы.

Кин тужгес устоез луоз, ивортэмын луоз вуоно арнялэн кутсконаз. Соку ик интернет пыр куара сётонлэсь радылксэ валэктозы.

Эшшо одӥг ивор полуфиналэ потэм нылъёс понна.
«Полуфинал азьын соосты Ижкарын люканы чакламын вал. Ужрад одно луоз, но югдур тупатскем бере. Тӥ понна бадӟым фотосессия ортчытомы» — верало радъясьёс.

Полуфинал 20-тӥ оштолэзе https://cheberai.ru/ сайтын кутскоз.